لاہور ( این این آئی) گورنمنٹ کالج یونیورسٹی لاہور نے رواں سال بھی 10 ممتاز اولڈ راوئینز کو 2023کے لائف ٹائم اچیومنٹ ایوارڈ دینے کا اعلان کر دیا۔وائس چانسلر پروفیسر ڈاکٹر اصغر زیدی نے کہاکہ اولڈ راوئینز کا انتخاب مختلف شعبہ ہائے زندگی سے کیا گیا،جنہیں یونیورسٹی کے 21ویں کانووکیشن میں ایوارڈ سے نوازا جائے گا۔اعزاز پانے والے اولڈ راوئینز کی فہرست میں مذہبی سکالر جاوید احمد غامدی، سابق وزیر خارجہ خورشید محمود قصوری، نامور وکیل سید نعیم الطاف بخاری، گلوکار شفقت امانت علی، اور سابق وزیر تعلیم شفقت محمود جیسی مختلف شعبوں سے تعلق رکھنے والی نامور شخصیات شامل ہیں۔ اولمپیئن چوہدری اختر رسول ،اداکارعثمان پیرزادہ، میاں مصباح الرحمان،پروفیسر ڈاکٹر محمود شوکت اور مرزا اطہر بیگ کو بھی لائف ٹائم اچیومنٹ ایوارڈز سے نوازا جائے گا۔