ورلڈ ٹیبل ٹینس یوتھ کنٹینڈر چیمپئن شپ  حور فواد کوارٹر فائنل میں پہنچ گئیں

لاہور(سپورٹس رپورٹر) ورلڈ ٹیبل ٹینس یوتھ کنٹینڈر چمپئن شپ میں پاکستانی اسٹار حور فواد نے کوارٹر فائنل میں جگہ بنالی۔14 سالہ حور فواد نے انڈر 17ایونٹ میں مسلسل تیسری کامیابی حاصل کی ہے، انہوں نے لبنان کی نمبر ون پلیئر فاطمہ الدک دوکی کو 3-0 سے شکست دی۔اس کے علاوہ عراق کی اینا نورالدین کو بھی حور نے 3-0سے زیر کیا، جارڈن کی حریف سے پانچ سیٹ کے سخت مقابلے کے بعد حور فواد کو کامیابی حاصل ہوئی، جارڈن کی رینڈ الحسنی کو 5-2کے مارجن سے انہوں نے کامیابی حاصل کی۔14سالہ حور فواد پاکستان نمبر تھری اور جونیئر نمبر ون پلیئر ہیں۔