وومن بیس بال نیشنل چیمپئن شپ‘ واپڈا  ٹیم پنجاب کو ہراکر فائنل میں پہنچ گئی

لاہور(سپورٹس رپورٹر)پاکستان فیڈریشن آف بیس بال کے زیر اہتمام 17ویں نیشنل وومن بیس بال چیمپئن شپ میں واپڈانے پنجاب کو چھ کے مقابلے میں سولہ رنز سے ہرا کر فائنل کیلئے کوالیفائی کرلیا۔مہمان خصوصی احتشام ڈاریکٹر سپورٹس گیپگو‘منیجر واپڈا بیس بال ٹیم تھے جن کا دونوں ٹیموں کیساتھ تعارف اور گروپ فوٹو ہوا۔ فخر علی شاہ نے کہا کہ چیمپین شپ میں کارکردگی دکھانے والی کھلاڑیوں کا ایک تربیتی کیمپ لگایا جائیگا جو اگلے ماہ ہانگ کانگ میں ہونیوالی وومن ایشیا کپ میں مددگار ثابت ہوگا۔فائنل آج واپڈا اور آرمی کی ٹیموںکے درمیان کھیلا جائیگا۔