لاہور(سپورٹس رپورٹر)پاکستان فٹبال فیڈریشن کے تحت پہلا ریفری کورس 16مارچ سے کراچی میں شروع ہوگا، فیفا ایم اے ریفری انسٹرکٹر و منیجر ریفری خرم شہزاد اور فیفا ایم اے فٹنس انسٹرکٹر محمد اقبال جونیئر 24شرکاء کو 4روزہ ٹریننگ دیں گے۔خرم شہزادنے کہاہے کہ ریفریز کو تربیت کا موقع فراہم کرنے پر پی ایف ایف نارملائزیشن کمیٹی کے شکرگزار ہیں،مستقبل کی ضروریات کوپیش نظر رکھتے ہوئے باصلاحیت ریفریز تیار کرنے کیلئے کورسز کا اہتمام کیا جارہا ہے،شرکاء کو فٹبال میں جدید رجحانات کے بارے میں سیکھنے کا موقع ملے گا،ریجن میں نئے ریفریز کی تلاش میں بھی مدد ملے گی۔