پی ایس ایل کوالیفائیڈ لاہور قلندر ملتان سلطانز آج مدمقابل 

لاہور(سپورٹس رپورٹر)پاکستان سپر لیگ 8 کے پلے آمیچز کھیلنے کیلئے ملتان سلطانز، پشاور زلمی اور اسلام آباد یونائیٹڈ کی ٹیمیں اسلام آباد سے لاہور پہنچ گئیں ۔سیاسی صورتحال کی وجہ سے ٹیموں کا پریکٹس سیشن منسوخ کر دیا گیا۔ پی ایس ایل ایٹ کے ٹیبل پر دفاعی چیمپئن لاہور قلندرز نے 14 پوائنٹس کیساتھ ٹاپ کیا۔ قلندرز کی ٹیم نے رائونڈ کا آخری میچ لاہور میں ہی کھیلا تھا اس لیے وہ میزبان شہر میں پہلے سے ہی موجود ہے۔ لیگ کے کوالیفائر میںآج 15 مارچ کو لاہور قلندرز اور ملتان سلطانز کے درمیان مقابلہ ہوگا۔میچ مقامی وقت کے مطابق رات سات بجے قذافی سٹیڈیم میں شروع ہوگا۔میچ کی فاتح ٹیم براہ راست فائنل میں پہنچ جائے گی۔ ہارنے والی ٹیم ایلیمینیٹر ٹو میں مقابلہ کرے گی۔کل16 مارچ کو پہلے ایلیمنیٹر میں پشاور زلمی اور اسلام آباد یونائیٹڈ کی ٹیمیں آمنے سامنے ہوں گی۔میچ مقامی وقت کے مطابق رات سات بجے قذافی سٹیڈیم میں ہی کھیلا جائیگا۔17 مارچ کو کوالیفائر میں ہارنے والی اور پہلا ایلیمنیٹر جیتنے والی ٹیمیں مد مقابل ہوں گی۔ اس میچ کی فاتح 19 مارچ کے فائنل کیلئے کوالیفائی کریگی۔