نوشہرہ ورکاں (نامہ نگار +نمائندہ  نوائے وقت)پی پی پچپن سے چودہ اور چھپن سے چوبیس امیدواروں نے کاغذات نامزدگی جمع کروادئیے،امیدوار ریلیوں کے ہمراہ ریٹرننگ آفیسرز آفس پہنچے،حامیوں کے بھنگڑے اور نعرے بازی،بتایا گیا ہے کہ پنجاب اسمبلی کے انتخابات کے لیے تحریک انصاف،مسلم لیگ ن ،تحریک لبیک سمیت متعدد آزاد امیدواروں نے کاغذات نامزدگی جمع کرواد ئیے پی پی پچپن کے ریٹرننگ آفیسر عنصر جمیل کے پاس عمیر پرویز ورک،عمرجاویدورک،عرفان بشیر گجر ،عثمان بشیر گجر،رفاقت حسین گجر،عبدالغفور گجر،محمد کامران اولکھ،حامدناصرسیویا سمیت چودہ امیدواران نے کاغذات نامزدگی جمع کروائے جبکہ پی پی چھپن کی ریٹرننگ آفیسر حنا بخاری کے آفس میں چوہدری اقبال گجر،سارب میراں گجر،چوہدری محمد یونس،محمد ارقم خان ،محمد ارسم خان،سیف اللہ ورک،ثنااللہ ورک،رانا عمر نذیر،راناعامر نذیر سمیت چوبیس امیدواروں نے کاغذات نامزدگی جمع کروائے پی پی پچپن سے تحریک انصاف کے امیدوار عمیر پرویز ورک بڑی ریلی کے ہمراہ ریٹرننگ آفس پہنچے تحریک انصاف کے حامیوں نے شہر میں متعددمقامات پر عمیر پرویز ورک کا پرتپاک استقبال کیا اور پھولوں کی پتیاں نچھاور کیں ریلی کے شرکاء تحریک انصاف کے حق میں نعرہ بازی بھی کرتے رہے