پشاور(بیورو رپورٹ)نئے چیف سیکرٹری خیبر پی کے  کیلئے سفارشات وفاق کو ارسال کردی گئی ہیں ۔ انتظامی امور کے سیکرٹریز ، مختلف محکموں کے ڈائریکٹرز ، ضلعی ایجوکیشن افسران ، صحت ، ایری گیشن سمیت مختلف سرکاری محکموں کے افسران کے تبادلے اور تقرریوں کے لئے فہرستیں بھی مرتب کرلی گئی ہیں اور آئندہ ہفتے میں درجنوں افسران کے تبادلے اور تقرریاں کر دی جائیگی ۔ ذرائع نے بتایا اسٹیبلشمنٹ ڈیپارٹمنٹ خیبر پی کے  نے نئے چیف سیکرٹری کی تقرری کے لئے سمری اسٹیبلشمنٹ ڈویژن کو ارسال کر دی ہے اسٹیبلشمنٹ ڈویژن کی جانب سے سمری وزیر اعظم سیکرٹریٹ کو ارسال کردی جائیگی  اور وزیراعظم کی منظوری کے بعد نئے چیف سیکرٹری کی تقرری عمل میں لائی جائیگی جبکہ دوسرے مرحلے میں سیکرٹریز ، کمشنرز ، ڈپٹی کمشنرز ، ڈی آئی جیز ، ڈی پی اوز مختلف محکموں کے ضلعی سربراہان ، ڈپٹی سربراہان وغیرہ کے تبادلے اور تقرریاں کی جائیگی محکمہ صحت میں بھی اعلیٰ سطح کے تبادلے اور تقرریاں کے لئے سفارشات کردی ہیں محکمہ بلدیات ، محکمہ تعلیم میں بھی سفارشات کر دی گئی ہیں ۔