سینٹ الیکشن میں پیپلز پارٹی امیدواروں کی جیت جمہوریت پسندوں کی فتح ہے:علی حیدر گیلانی 

لاہور(نامہ نگار)پنجاب اسمبلی میں پیپلز پارٹی کے پارلیمانی لیڈر علی حیدر گیلانی نے کہا ہے کہ سینٹ الیکشن میں پیپلز پارٹی امیدواروں کی جیت جمہوریت پسندوں کی فتح ہے۔سید یوسف رضا گیلانی کو 204ووٹوں سے جیتنے اور عبدالقدوس بزنجو،اسلم ابڑو اور سیف اللہ دھاریجو ایوان بالا میں پہنچنے پر خوش آمدید کہتے ہیں۔چیئرمین بلاول بھٹو زرداری اور صدر آصف علی زرداری کی دانش کو سلام پیش کرتے ہیں۔ 2اپریل کا سورج بھی پیپلز پارٹی کی فتح کیساتھ طلوع ہو گا۔ شاندار جیت میں تعاون پر مسلم لیگ ن،ایم کیو ایم،ق لیگ جے یو آئی اور آئی پی پی کے شکر گزار ہیں۔