پیر افضل قادری کی نماز جنازہ‘ کائرہ، سعد رضوی سمیت ہزاروں مریدوں کی شرکت 

گجرات(نامہ نگار )تحریک لبیک سنی اتحاد اور عالمی تنظیم اہلسنت کے مرکزی امیر پیر محمد افضل قادری کی نماز جنازہ نیک آباد مراڑیاں شریف گجرات میں ادا کی گئی نماز جنازہ پیر محمد افضل قادری کے صاحبزادے پیر عثمان افضل قادری نے پڑھائی،نماز جنازہ میں پیپلز پارٹی کے مرکزی رہنما سابق وفاقی وزیر قمر زمان کائرہ، تحریک لبیک کے مرکزی امیر سعد رضوی،جسٹس نذیر احمد، قاضی محمود احمد آوانی،ناظم اعلیٰ جماعت اہلسنت پاکستان خالد سلطان،پیر اجمل قادری،پیر نوید الحسن مہندی ، ڈی پی او گجرات اسد مظفر ،  امجد فاروق ،افضل گوندل ، یونس ساقی ،طفیل میر ، داؤد شفیع سرکاری افسران،سیاستدانوں،سول سوسائٹی ملک اور بیرون ممالک سے ہزاروں کی تعداد میں ان کے مریدوں نے شرکت کی، پیر محمد افضل قادری کی روح کے ایصال ثواب کے لئے ختم قل کل بروز اتوار صبح دس بجے سے نماز ظہر تک آباد مراڑیاں شریف گجرات میں پڑھا جائے گا۔