اسلام آباد(وقائع نگار )الیکشن کمیشن نے سینیٹ کی 48 نشستوں پر 2 اپریل کو انتخابات کرانے کا شیڈول جاری کر دیا۔الیکشن کمیشن کی جانب سے جاری نوٹی فکیشن کے مطابق کاغذات نامزدگی 15 اور 16 مارچ کو جمع کرائے جا سکیں گے‘ کاغذات نامزدگی کی جانچ پڑتال 19 مارچ تک کی جائے گی۔نوٹی فکیشن کے مطابق کاغذات نامزدگی منظور یا مسترد ہونے کیخلاف اپیلیں 25 مارچ تک نمٹائی جائیں گی جبکہ امیدواروں کی حتمی فہرست 27 مارچ کو آویزاں کی جائے گی۔انتخابات کے لیے پولنگ قومی اسمبلی اور چاروں صوبائی اسمبلیوں میں ہوگی۔