قصور (نمائندہ نوائے وقت) قصور کے نواح سٹی پھولنگر میں روٹھی بیوی کے نہ ماننے پر شوہر نے طیش میں آکر فائرنگ کرکے اسے شدید زخمی کر دیا، پولیس نے مقدمہ درج کرلیا۔سائیوال کارہائشی ملزم عدل جس کی بیوی 30/29 سالہ سائرہ بی بی روٹھ کر تقریباً7/6ماہ سے مائیکے میں بیٹھی تھی  منانے کے لیے اس کے گھر گیا اور اسے منانے کی کوشش کرتا رہا مگر اس کے باوجود وہ شوہر کے ساتھ واپس جانے کے لیے تیار نہ ہوئی تو عدیل نے طیش میں آکر فائرنگ کرکے اسے شدید زخمی کردیا،زخمی کو ہسپتال منتقل کردیا گیا۔