نوجوان کی سابق سسرالیوں کے گھر فائرنگ ، مطلقہ بیوی کا ایک ماموں قتل، 2زخمی

فیروز والہ+شیخوپورہ( نامہ نگار+نمائندہ خصوصی) جی ٹی روڈ کی آبادی منوں آباد (مرید کے ) میں روٹھی بیوی کے گھر پر نوجوان نے تین سگے بھائیوں پر فائرنگ کر دی 20سالہ نوجوان شان علی ہلاک مقتول کے دو سگے بھائی زخمی ملزم فرار ہو گیا۔ بتایا گیا ہے کہ نوجوان طاہر علی کا بیوی کے ساتھ گھریلو جھگڑا ہو گیا۔ طاہر نے اسے طلاق دے دی، اس کے باوجود ملزم اپنی بہن کے ہمراہ روٹھی ہوئی بیوی کو منانے کیلئے اسکے گھر منوں آباد گیا اور وہاں بیوی کے ماموئوں تین سگے بھائی شان علی ،شاہد اور طاہر احمد بیٹھے ہوئے تھے۔ طاہر علی نے بیوی کے ساتھ جانے کو کہا جس نے ساتھ جانے سے انکار کردیا، اس دوران تلخ کلامی ہو گئی ملزم نے مشتعل ہو کر فائرنگ کر دی ، جس سے 20سالہ نوجوان شان علی ہلاک جبکہ اسکے دو بھائی شدید زخمی ہو گئے جن کو طبی امداد کے لئے ہسپتال داخل کرا دیا۔ صدر پولیس مرید کے نے ملزموں کے خلاف مقدمہ درج کر لیا ہے۔