پاکستان سےنئر ہاکی ٹیم نے پاکستان وائٹ کو ایک کے مقابلے میں آٹھ گول سے ہرا دیا

مردان (نا مہ نگار )مردان سپورٹس کمپلکس کے ہاکی ٹرف پر کھیلے گئے پریکٹس میچ میں پاکستان سےنئر ہاکی ٹیم نے پاکستان وائٹ کو ایک کے مقابلے میں آٹھ گول سے ہرا دیا ۔صوبائی وزیر خزانہ مظفر سید ایڈوکیٹ اس موقع پر مہمان خصوصی تھے جبکہ اس موقع پر پاکستان ہاکی فیڈریشن کے صدر بریگیڈئیر سجاد کھوکھر ، سیکرٹری جنرل شہباز سینئر ، پی ایچ ایف کے ڈائریکٹر ڈیویلپمنٹ نوید عالم ، اولمپئین مصدق خان اور شائقین ہاکی کی ایک بڑی تعداد میچ دیکھنے کے لیے مردان سپورٹس کمپلکس میں موجود تھی جنہوںنے پاکستان کی قومی ہاکی ٹیم کو کھیلتے ہوئے دیکھا اور قومی ٹیم کے کھلاڑیوں کے کھیل سے محظوظ ہوئے۔تقسیم انعامات کی تقریب سے خطاب کرتے ہوئے صوبائی وزیر خزانہ مظفر سید ایڈوکیٹ نے کہا کہ خیبر پختونخوا میں اس طرح کے میچوں کے انعقاد سے قومی کھیل کو فروغ ملے گا ،۔ بعدازاں مہمان خصوصی نے کھلاڑیوں میں انعامات اور شیلڈ تقسیم کئے ۔
پی ایچ ایف کے صدر بریگیڈئیر سجاد اور قائمقام ضلعی ناظم اسد علی کشمیری نے صو بائی وزیر خزانہ مظفر سید ایڈوکیٹ کو شیلڈز پیش کیے ۔