لاہور (خصوصی رپورٹر) نیو جناح پبلک ہائی سکول‘ افشاں پارک کے طلباو طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان اور طیبہ فائونڈیشن سکول فار بوائز‘ کچا جیل روڈ‘کوٹ لکھپت‘لاہورکے طلباء اور اساتذۂ کرام نے ایوانِ قائداعظم جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ گرلز ہائی سکول‘ سوڈیوال کوارٹرز‘ ملتان روڈ‘ الائیڈ سکول فار بوائز سیکشن‘ ہربنس پورہ‘ گورنمنٹ بوائز پرائمری سکول‘ صفانوالہ چوک مزنگ‘ گورنمنٹ نیوفاطمہ جناح گرلز ہائی سکول‘ مصری شاہکا وزٹ کیا۔ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد 582تھی۔