ادارہ امور حرمین شریفین نے طواف شروع کرنے کے مقام پر نمایاں سبز رنگ کی لائٹ نصب کردی ہے ۔ قبل ازیں اس مقام کی علامت کے لیے روایتی لائٹ لگائی گئی تھی۔نئی لگائی جانے والی سبزلائٹ دور سے نمایاں طورپردکھائی دے سکے گی۔

نئے لگائی جانے والی سبز لائٹ کی لمبائی 186 سینٹی میٹر اور چوڑائی 54 سینٹی میٹر جبکہ اس کا قطر 58 سینٹی میٹرہے ۔ لائٹ جس فریم میں نصب کی گئی ہے اس کا مجموعی وزن 140 کلو گرام ہے۔نئی لائٹ سے طواف شروع کرنے والوں کو خاص کرہجوم کے دوران یہ سہولت ہو گی کہ وہ اس لائٹ کا تعین دور سے کرسکیں گے جس کے لیے انہیں کسی قسم کی دشواری کا سامنا نہیں ہوگا۔