نہم جماعت کے امیدواروں کو رولنمبر سلپ جاری‘ امتحانات 26 مئی سے شروع ہوں گے 

لاہور (سپیشل رپورٹر) تعلیمی بورڈ لاہور نے نہم جماعت کے امیدواروں کی رولنمبر سلپ جاری کر دی ہیں۔ نہم جماعت کے سالانہ امتحانات کا آغاز 26 مئی سے ہوگا۔ امیدوار تعلیمی بورڈ کی ویب سائٹ سے رولنمبر سلپ ڈائون لوڈ کر سکیں گے۔ رواں سال نہم کے امتحان میں 2 لاکھ 70 ہزار سے زائد امیدوار شرکت کریں گے۔ امتحان کیلئے 760 امتحانی سنٹرز تشکیل دیئے گئے ہیں۔ تمام امتحانی سنٹرز میں دفعہ 144 نافذ ہوگی۔