ایک شخص کنوئیں میں دب کر جاںبحق ،دیوار گرنے سے مزدور زخمی

قطب پور،شاہجمال(خبر نگار،نامہ نگار)ایک شخص کنوئیں میں دب کر جاںبحق ،مزدور دیوار کے نیچے دب کر شدید زخمی تفصیل کے مطابق نواحی چکنمبر 289  ڈبلیو بی المعروف گمباں والا میں دو افرادسیوریج سسٹم کے لیے کنواں کھود رہے تھے۔32 فٹ گہرا کنواں کھودنے کے بعدگرمی کی شدت کے باعث ایک مزدور باہر نکل آیا اور اسی اثناء میں اچانک کنوئیں کی مٹی بیٹھ گئی جس سے طارق نامی مزدور دب کر جانبحق ہوگیا۔ریسکیو 1122 کی ٹیم اطلاع پر پہنچ گئی جنہوں نے ایکسی ویٹر کے ذریعے 9 گھنٹے بعد نعش نکال کر ورثاء کے حوالے کردی۔شاہ جمال سے نامہ نگار کے مطابق مزدور محمد شہزاد پر کام کے دوران دیوار آن گری جسے شدید زخمی حالت میں ڈسٹرکٹ ہسپتال مظفرگڑھ منتقل کردیا گیا۔