کراچی سائٹ میں گیس بحران ،برآمدی آرڈرز خطرے میں

کراچی (پی پی آئی)شہر قائد کے صنعتی ایریا سائٹ میں گیس بحران شدت اختیار کر گیا ہے جس کی وجہ سے پیداواری سرگرمیاں بری طرح سے متاثر ہو رہی ہیں۔ پی پی آئی کے مطابق صنعتی ایریا سائٹ میں ستمبر سے اب تک صنعتوں کو گیس کی فراہمی بند ہے۔ گیس بحال نہ ہونے سے پیداواری سرگرمیاں بری طرح متاثر ہو رہی ہیں اور گیس نہ ہونے کے باعث برآمدی آرڈرز کی تکمیل خطرے میں پڑ گئی ہے۔ گیس پریشر مسلسل صفررہنے سے پیداواری سرگرمیوں میں شدید رکاوٹیں ہیں۔ اس وقت متعدد صنعتی یونٹس بند پڑے ہیں۔