34ویں نیشنل گیمز کے مقابلوں کی مشعل لاہور سے کوئٹہ پہنچ گئی

لاہور(سپورٹس رپورٹر) 34ویں نیشنل گیمز کے مقابلوں کی مشعل لاہور سے کوئٹہ پہنچ گئی ، مشعل سابق اولمپئین اور پاکستان ہاکی ٹیم کے سابق کپتان شکیل عباسی نے وصول کی۔34 نیشنل گیمز کی مشعل کے سفر کا آغاز کراچی سے ہوا تھا کوئٹہ:مشعل اسلام آباد ،پشاور، مظفر آباد اورلاہورسے ہوتی ہوئی کوئٹہ پہنچی ہے۔ مشعل کو ائیرپورٹ پہنچنے کے بعد ایوب سٹیدیم پہنچا دیا گیا جہاں صوبائی وزیر کھیل اور دیگر حکام بھی موجود تھے۔سابق اولمپیئن شکیل عباسی نے بتایا کہ کوئٹہ بلوچستان میں نیشنل گیمز کا انعقاد خوش آئند ہے، نیشنل گیمز اچھا ایونٹ ہے اسکے انعقاد پر لوگ بہت خوش ہیں۔حالات کے پیش نظر کوئٹہ نیشنل گیمز کا انعقاد چیلنج تھا ، بلوچستان کے لوگ کھیلوں سے محبت رکھتے ہیں ، بلوچستان حکومت نے قومی کھیلوں کےلئے بہترین اقدامات کئے ہیں۔