سید قاسم علی گیلانی کو ضمنی انتخابات میں کامیاب کروائیں گے:ملک رشید کامران مجید،عاقب سرور پیا ، عمر اکبر خان

لاہور(نامہ نگار)پیپلز پارٹی کے رہنماؤں ملک رشید،کامران مجید،عاقب سرور پیا اور عمر اکبر خان نے کہا ہے کہ ایک مرتبہ پھر ملتان کے غیور عوام گیلانی خاندان سے اپنی لازوال محبت کا اظہار کریں گے اور سید قاسم علی گیلانی کو ضمنی انتخابات میں کامیاب کروائیں گے۔ ملتان کی عوام نے انتشار اور فساد کی سیاست کرنیوالوں کو ہمیشہ مسترد کیا ہے اور گیلانی خاندان سے ہمیشہ وفا کی ہے۔یہ بات ریکارڈ پر ہے کہ سید یوسف رضا گیلانی نے وزیر اعظم بن کر ملتان کی عوام کیلئے جو کام کیا وہ آج تک وہاں کا کوئی بھی سیاست دان نہیں کرسکا۔