تھرپارکرمیں پاکستان آرمی کا فری میڈیکل کیمپ ، متعدد افراد کا چیک اپ

  تھرپارکر(آئی ا ین پی ) تھرپارکرمیں پاک فوج کی جانب سیفری میڈیکل کیمپ کا انعقادکیا گیا،ڈیڑھ ہزار کے قریب لوگوں کو مفت طبی سہولیات فراہم کی گئیں۔ رائے چندہائرسیکنڈری سکول چیلہارمیں لگائے گئے کیمپ سے تھرپارکر اور اس کے نواحی دیہات کے باسی مستفید ہوئے،کیمپ میں مختلف لیبارٹری ٹیسٹوں کیساتھ مریضوں کے آپریشن بھی کیے گئے۔ ڈاکٹرزاور پیرا میڈیکل اسٹاف نے ملیریا،شوگر،بلڈپریشر اوردیگر امراض میں مبتلا لوگوں کاعلاج کیا،مفت ادویات بھی فراہم کی گئیں، اہل علاقہ نے اس اقدام پرپاک فوج کا دل سیشکریہ ادا کیا۔