قصور (نمائندہ نوائے وقت) قصور کے نواحی علاقے چھبر میں بچے کو بچاتے ہوئے 2 عورتیں 2سالہ بچی سمیت پانی میں ڈوب کر جاں بحق ہو گئیں۔ ریسکیو عملے نے بچے کو بچا لیا۔ کراچی کی فیملی دریائے ستلج پر موجود تھی کہ 12سالہ روحان پاؤں پھسلنے سے دریا میں جاگرا جسے بچانے کیلئے 33سالہ رخسانہ، 23سالہ نبیلہ، 2سالہ بچی روباب سمیت پانی میں کود پڑیں اور ڈوب گئیں۔ اطلا ع پر ریسکیو 1122عملہ موقع پر پہنچا اور دونوں خواتین اور ننھی بچی کی نعشوں کو باہر نکالا جبکہ بچے کو زندہ بچا لیا گیا۔ مقامی پولیس مصروف کارروائی ہے۔