حافظ آباد(نمائندہ نوائے وقت)حافظ آباد کے کسوکی روڈ ٹوٹ پھوٹ کا شکا ر ہونے سے حادثات معمول بن گئے۔ تفصیلات کے مطابق ضلعی انتظامیہ کی شاہ خرچیوں سے جہاںملکی خزانہ کو نقصان پہنچ رہاہے وہاں ضلع کے عوام کو بھی اسکا خمیازہ بھگتنا پڑ رہاہے۔کسوکی روڈ جو نہایت ہی معیاری بنا ہوا تھا اسے کچھ عرصہ قبل ادھیڑ کر کروڑوں روپے کی لاگت سے تعمیر کیا گیا لیکن اس میں غیر معیاری میٹریل استعمال کرنے سے سڑک کی حالت ناگفتہ بہ ہو گئی اسوقت بھی کسوکی روڈ کے ڈیوائڈر میں سائیڈوں سے ناقص مٹی اور کوڑا کرکٹ اٹھا کر بھرتی ڈالی جارہی ہے جبکہ جگہ جگہ مین ہول کھلے پڑے ہیں۔ شہریوں نے شدید احتجاج کرتے وزیر اعلیٰ سے فوری نوٹس لینے کا مطالبہ کیا ہے۔