ایف آئی اے انٹی کرپشن سرکل کے چھاپے،غیر رجسٹرڈ اور جعلی ویٹرنری ادویات برآمد

راولپنڈی(اپنے سٹاف رپورٹر سے)ایف آئی اے انٹی کرپشن سرکل نے کلر سیداں روڈ راولپنڈی اور جاوا روڈ اسلام آباد میں واقع دکانوں پر چھاپوں کے دوران بڑی مقدار میں غیر رجسٹرڈ اور جعلی ویٹرنری ادویات برآمد کرلیں چھاپہ مار کاروائی میں ڈسٹرکٹ ڈرگ انسپکٹر بھی شامل تھے جعلی غیر رجسٹرڈ اور ممنوعہ ادویات کو ڈرگ انسپکٹرکی موجودگی میں قبضے میں لے لیا گیابرآمد ہونے والی ادویات جانوروں کی صحت کیلئے  انتہائی نقصان دہ تھیں مذکورہ ادویات کو ڈریپ حکام کے حوالے کر دیا گیاملزمان کے خلاف انکوائری درج کر کے تحقیقات کا آغاز کر دیا گیاڈرگ انسپکٹرز کی رپورٹ کی روشنی میں ملزمان کے خلاف مزید قانونی کاروائی عمل میں لائی جائے گی اینٹی کرپشن سرکل اسلام آباد نے رواں ماہ کے دوران غیر رجسٹرڈ ادویات کی فروخت میں ملوث عناصر کے خلاف متعدد چھاپہ مار کاروائیاں کیں جعلی اور غیر رجسٹرڈ ادویات میں ملوث عناصر کے خلاف سخت کاروائیوں کا آغاز کر دیا گیاملزمان کی گرفتاری کے لئے خصوصی چھاپہ مار ٹیمیں تشکیل دے دی گئی ہیں چھاپہ مار ٹیمیں ڈرگ ریگولیٹری اتھارٹی آف پاکستان کے ساتھ مشترکہ کاروائیاں کر رہی ہیں کسی شخص کو بھی معصوم لوگوں کی زندگیوں سے کھیلنے کی اجازت نہیںملزمان کی گرفتاری کے لئے تمام تر وسائل بروئے کار لائے جا رہے ہیں۔