جون میں پولیو مہم سے پہلے مائیکرو پلان مکمل کیا جائے،خضر اقبال 

راولپنڈی(جنرل رپورٹر)پنجاب بھر میں تمام اضلاع کے محکمہ صحت کے چیف ایگزیکٹو افسران کو پولیو مہم کی کارکردگی کا جائزہ لینے کی ہدایات جا ری کر دی گئیں، جون میں شروع ہونے والی پولیو مہم سے قبل پولیو مائیکروپلان کو مکمل اورخود نگرانی کرنے کی بھی واضح ہدایات دی گئیں،اس حوالے سے انسداد پولیو پروگرام کے سربراہ خضر اقبال کا کہنا تھا کہ پنجاب بھر میں تمام اضلاع کے محکمہ صحت کے افسران پولیو مہم کے کوائف کا تفصیلی جائزہ لیں،چیف ایگزیکٹو افسران ماتحت عملہ کی پولیو مہم میں کارکردگی کا خود جائزہ لیں اور پولیو ڈیٹا پر تربیتی سیشنز میں تمام سی ای اوز کو شرکت کرنے کی ہدایت دی گئی ،انہوں نے کہا کہ بچوں کی کوریج کے کوائف کو سمجھنے کی ضرورت ہے،پولیو پروگرام کوائف کو سمجھنے کے لئے اضلاع کی تربیت  ہو گی اورپولیو ویکسین سے محروم بچوں کی انٹری کے حوالے سے پیش رفت خوش آئند ہے۔