اسلام آباد (وقائع نگار )معروف ماہر تعلیم عبدا لسلام  کو امریکہ کی ویژن فار ایکسیلینس انٹرنیشنل یونیورسٹی نے پی ایچ ڈی کے اعزاز سے نوازا ہے۔ یہ ڈگری انہیں تعلیم اور سماجی ترقی کے شعبے میں دو دہائیوں سے جاری اہم خدمات کے اعتراف کے طور پہ دیا گیا۔ یاد رہے کہ دنیا بھر سے دس ایسے نمایاں افراد کو اس اعزاز کیلئے منتخب کیاگیا جنہوں نے اپنی خدمات کے ذریعے سوسائٹی میں’’چینج میکرز ‘‘کا کردار ادا کیا اور معاشرے پر نمایاں اور مثبت اثرات مرتب کئیے۔ عبدالسلام نے کہا کہ اعترافی سند میرے لئے ایک بڑا اعزاز ہے اور یہ ان بے شمار افراد کی خدمات کی آئینہ دار جنہوں نے دو دہائیوں پہ مشتمل اس سفر میں میرا ساتھ دیا اور حوصلہ افزائی کی۔