حضرو (نمائندہ نوائے وقت) وزیر اعلیٰ پنجاب اور آئی جی پنجاب کے ویڑن کے مطابق  ڈسٹرکٹ پولیس آفیسر اٹک ڈاکٹر سردار غیاث گل کی خصوصی ہدایات پر تھانہ رنگو  پولیس کے ایس ایچ او محسن عباس کی زیر نگرانی ایس آئی امجد علی نے منشیات سمگلر عامر علی  سکنہ کاملپور عالم حضرو کی  منشیات سمگلنگ کی کوشش کو ناکام بناتے ہوئے 1760 گرام چرس برآمد کر لی جبکہ ایس ایچ او تھانہ رنگو محسن عباس نے کہا کہ تھانہ رنگو پولیس منشیات فروشوں کے خلاف بھرپور کارواء جاری رکھے ہوئے ہے۔ اس موقع پر ڈی پی او اٹک ڈاکٹر سردار غیاث گل خان کا کہنا تھا کہ اٹک پولیس منشیات فروشی جیسے مذموم دھندے کے خلاف جہاد جاری رکھ کر سر زمین اٹک کو ایسے عناصر سے پاک کر کے دم لے گی عوامی حلقوں نے منشیات فروشوں کے خلاف سخت کارروائیاں شروع کرنے پر ڈی پی او اٹک ڈاکٹر غیاث گل خان ایس ایچ او تھانہ رنگو محسن عباس کو خراج تحسین پیش کی ہے۔