پندرہ نومبرانیس سو چھیاسی کو بھارت کے شہرحیدر آباد میں پیدا ہونے والی ثانیہ مرزا نے سالگرہ اپنے شوہرشعیب ملک اوروالدین کے ساتھ چین میں جاری ایشین گیمز کے دوران منائی۔ بھارت کا سب سے بڑا سول ارجنا ایوارڈ جیتنے والی ثانیہ مرزا کو بھارت کی سب سے کامیاب ٹینس سٹارہونے کا اعزاز حاصل ہے۔ انہوں نے سنگلزمیں عالمی نمبرستائیس اورڈبلز میں عالمی نمبراٹھارہ تک رسائی حاصل کی۔ وہ دو ہزارتین میں گرلزڈبلزمیں ومبلڈن چیمپئن بھی بنیں۔ بھارتی ٹینس سٹار ثانیہ مرزا نے رواں سال اپریل میں پاکستانی کرکٹ ٹیم کے سابق کپتان شعیب ملک سے شادی کی تھی۔