سڈنی (سپورٹس ڈیسک) انگلینڈ کرکٹ ٹیم نے کرکٹ آسٹریلیا انوی ٹیشنل الیون کیخلاف 5 وکٹوں پر 302 رنز بنا لئے۔ ایلسٹر کک، ٹراٹ اور پیٹرسن نے نصف سنچریاں سکور کیں۔ کھیل کے دوسرے روز میزبان کرکٹ آسٹریلیا انوی ٹیشنل الیون کی ٹیم 304 رنز بنا کر آؤٹ ہو گئی۔ کارٹرز نے 94 اور وکٹ کیپر کپتان نویل نے 83 رنز کی اننگز کھیلی۔ سٹیفن فن نے 5 اور سٹیورٹ براڈ نے 4 وکٹیں حاصل کیں۔ انگلینڈ نے دوسرے روز کھیل کے اختتام تک 5 وکٹوں پر 302 رنز بنا لئے تھے۔ کپتان ایلسٹر کک 81، ٹراؤٹ 83، کیون پیٹرسن نے 57 رنز کی اننگز کھیلی۔ کاربیری 4، آئن بیل 35 رنز بنا کر آؤٹ ہوئے۔ جوروٹ 26 اور بیرسٹو 11 رنز بنا کر کھیل رہے ہیں۔ لیلر اور موٹرہیڈ نے دو دو جبکہ بلز نے ایک وکٹ حاصل کی۔