دبئی (این این آئی) جنوبی افریقہ کے فاسٹ بولر ڈیل سٹین نے کہا ہے کہ پاکستانی کپتان محمد حفیظ کو آؤٹ کرنے کے بعد ان کا مذاق اڑانے پر شرمندہ ہوں۔ ایک بیان میں ڈیل سٹین نے کہا کہ ٹی 20 کے پہلے میچ میں محمد حفیظ کو آؤٹ کرنے کے بعد میں نے جو کچھ کیا وہ بے وقوفانہ حرکت تھی میں خود نہیں جانتا کہ میں نے ایسی حرکت کیوں کی۔ انہوں نے کہا کہ مجھے اس طرح نہیں ہنسنا چاہئے تھا اس وقت جو کچھ ہوا میں اس پر شرمندہ ہوں۔ واضح رہے کہ گزشتہ روزپاکستان اور جنوبی افریقہ کے درمیان کھیلے گئے پہلے ٹی 20 میچ میں محمد حفیظ بغیر کوئی رنز بنائے ڈیل سٹین کی بال پر آؤٹ ہوگئے تھے جس ڈیل سٹین کی ہنسی نکل گئی تاہم اور وہ اپنے منہ پر ہاتھ رکھ کر اپنی ہنسی کو دبانے کی کوشش کرتے رہے۔