دبئی(آئی این پی) دنیا کے بہترین بلے باز اور جنوبی افریقی ٹیم کے اوپنر ہاشم آملہ کا بلا کس طرح اتنے رنز بناتا ہے یہ راز معلوم ہو گیا ہے، عالمی رینکنگ میں ٹاپ پوزیشن کے بلے باز  ہاشم آملہ پریکٹس کے دوران بلے کے بجائے وکٹ کی ایک اسٹک کا استعمال کرتے ہیں جبکہ کو کا بوراگیند نہیں بلکہ گالف کی چھوٹی سی گیند سے مشق کرتے ہیں۔ ہاشم آملہ کا یہ راز گزشتہ روز دبئی میں اس وقت افشا ہوا جب وہ نیٹ پر آئے اور ایک گھنٹے تک وکٹ اسٹک اور گالف کی گیند سے پریکٹس کرتے رہے۔ ہاشم آملہ  کے اس منفرد عمل کو کیمرے کی آنکھ نے محفوظ کر لیا ہے جسے بعض ٹی وی چینلز نے نشر کیا اور یہ خبر اخبارات کی زینت بھی بنی جبکہ حریف بولرز بھی آملہ کی پریکٹس کو دیکھتے رہے۔