سنی اتحاد کونسل آج ’’یوم عظمت شہدائے اسلام‘‘ منائے گی

لاہور(خصوصی نامہ نگار)  سنی اتحاد کونسل پاکستان کے مرکزی ڈپٹی سیکریٹری جنرل طارق محبوب نے اعلان کیا ہے کہ سنی اتحاد کونسل آج 10محرم کو ’’یوم عظمت شہدائے اسلام‘‘ منائے گی اور اہل سنت کی اڑھائی لاکھ مساجد میں ’’اسلام کا حقیقی فلسفہ شہادت‘‘ کے موضوع پر خطباتِ جمعہ ہوں گے اور جمعہ کے اجتماعات میں پاک فوج کے شہداء کو خراج تحسین پیش کیا جائے گا اور منور حسن کے گمراہ کن بیان کے خلاف مذمتی قراردادیں منظور کی جائیں گی۔ نیز 10محرم کو ملک بھر میں سنی اتحاد کونسل پیغامِ حسینؓ کانفرنسیں منعقد کرے گی۔ مرکزی اجتماع جامعہ رضویہ میں ہوگا جس سے چیئرمین سنی اتحاد کونسل صاحبزادہ حامد رضا خطاب کریں گے۔