لاہور( نامہ نگار)شہر میں دو مختلف مقامات پر آتشزدگی سے لاکھوں روپے مالیت کا سامان جل کرتباہ جبکہ ایک ریسکیو اہلکارآگ پر قابو پاتے ہوئے کرنٹ لگنے سے جھلس کر زخمی ہو گیا۔ بادامی باغ کے علاقہ میں منظور کی فیکٹری میں شارٹ سرکٹ کے باعث آگ بھڑک اٹھی۔ جس سے لاکھوں روپے مالیت کاسامان جل کر تباہ ہوگیا ۔ جنرل ہسپتال کے قریب ایک میڈیکل سٹور میں آگ لگ گئی جبکہ آگ پر قابو پاتے ہوئے ایک ریسکیو اہلکا ر ابرار کرنٹ لگنے سے جھلس کر زخمی ہوگیا ۔ ریسکیوٹیم نے آگ پر قابو پالیا جبکہ زخمی اہلکار کو ہسپتال داخل کرادیا گیا ہے۔ جہاں اس کی حالت نازک بتائی جاتی ہے۔