پاکپتن + گگو منڈی + ساہیوال (نامہ نگاران) پاکپتن، گگومنڈی میں 2 خواتین، ساہیوال میں 2 لڑکیوں سے زیادتی۔ تفصیلات کے مطابق پاکپتن میں گاﺅں نانک پور میں اوباش نوجوان عاشق نے (س) کے خاوند کی عدم موجودگی میں اس کے گھر گھس کر اسے زبردستی زیادتی کا نشانہ بنا ڈالا۔ پولیس نے متاثرہ خاتون کی رپورٹ پر مقدمہ درج کر لیا ہے۔گگو منڈی میں گوشت دینے کے بہانے گھر میں داخل ہو کر قصاب نے خاتون کو بے آبرو کر دیا۔ گزشتہ روز تین بجے کے قریب مبینہ طور پر نصیر احمد قصاب بستی محمد پورہ کے رہائشی گل زمان کے گھر گوشت دینے کے لئے گیا تو گل زمان کی بیٹی (ن۔ب) گھر میں اکیلی تھی ملزم نے مبینہ طور پر اسے پکڑ کر زبردستی زیادتی کا نشانہ بنا ڈالا۔ پولیس نے مقدمہ درج کر کے ملزم کی تلاش شروع کر دی ہے۔ ساہیوال میں دو مختلف مقامات پر دو جواں سال لڑکیوں کو بے آبرو کر دیا‘ چک نمبر 85/6 آر میں شوکت علی وغیرہ چار ملزمان نے (ا۔ب) کے ساتھ زیادتی کر ڈالی اور فرارہو گئے‘ لڑکی کی پھوپھی صغراں نے بتایا ملزمان نے اُسے گھر سے اغواءکر لیا اور نامعلوم مقام پر لے جا کر زیادتی کر ڈالی۔ چک نمبر 85/6 آر میں احمد علی وغیرہ پانچ ملزمان نے (ح۔ب) کو بے آبرو کر دیا اور فرار ہو گئے۔ پولیس نے مقدمات درج کر لئے ہیں۔
زیادتی