لاہور (آئی این پی)پاکستان تحر یک انصاف کے چیئرمین اور قومی کرکٹ ٹیم کے سابق کپتان عمران خان نے کہاہے کہ انہیں کرکٹ کھیلنے کا شوق زمان پارک سے پیدا ہوا اور فاسٹ با¶لنگ کرنے کا شو ق فاسٹ با¶لر ڈینس للی کو دیکھ کر پیدا ہو ا،فاسٹ با¶لر بننے کیلئے با¶لنگ ایکشن مکمل طور پر تبدیل کرنا پڑا۔وہ نجی ٹی وی کے ساتھ گفتگو کررہے تھے۔ انہوں نے کہا کہ ان کے نانا گورنمنٹ کالج کی کرکٹ ٹیم کے کپتان تھے اور ان کے ماموں نے بھی فرسٹ کلاس کرکٹ کھیلی ،زمان پارک میں ساری فیملی رہتی تھی اور وہیں پارک میں ہم سب مل کرکرکٹ کھیلا کرتے تھے۔
جہاں سے کرکٹ کھیلنے کا شوق پیدا ہوا۔عمران خان نے کہا کہ وہ ایک میڈیم پیسر با¶لر تھے لیکن ڈینس للی کو با¶لنگ کرتے ہوئے دیکھ کر انہیں فاسٹ با¶لر بننے کا شوق ہوا جبکہ وہ ایک میڈیم پیسر تھے ان کیلئے فاسٹ با¶لر بننا انتہائی مشکل کام تھا لیکن انہوں نے ہمت نہیں ہاری اور اپنی کوشش جاری رکھی۔انہوں نے کہا کہ انہیں فاسٹ با¶لر بننے کیلئے اپنا با¶لنگ ایکشن مکمل طور پر تبدیل کرنا پڑا،میڈیم گیند کروانے میں ایکشن اور تھا اور فاسٹ با¶لر بننے کیلئے ایکشن تبدیل کیا اور وہ وقت انتہائی مشکل تھا کیونکہ کبھی کبھی پرفارمنس اچھی نہیں ہوتی تھی جس کے باعث دیگر دوست کھلاڑی اکیڈمی میں ان کا مذاق بھی اڑاتے تھے لیکن انہوں نے اپنی جدو جہد جاری رکھی اور فاسٹ با¶لر بننے میں کامیا ب ہوئے، عمران خان نے کہا کہ خوابوں کو پورا کرنے کیلئے ارادے مضبوط ہونے چاہئے ،میں رات کو سونے سے پہلے سوچتا تھا کہ آج مجھ سے کھیل کے دوران کیا غلطیاں ہوئیں اور الگے دن ان پر قابو پانے اور انہیں ٹھیک کرنے کی کوشش کرتا تھا۔انہوں نے کہا کہ جس دن پرفارمنس اچھی نہیں ہوتی تھی میں اس دن کا اخبار نہیں پڑھتا تھا کیوں کہ میں ایک کھلاڑی ہوں اور مجھے اپنی غلطیوں کا زیادہ اچھے طریقے سے پتہ ہے اس لیے جو ملاحظہ اپنا میں خود کرسکتاہوں وہ کوئی دوسرا نہیں کرسکتا۔