وطن واپسی پر شاندار استقبال پاکستان میں کرکٹ کی بہتری کیلئے جو ہو سکا کرونگا : یونس خان

لاہور (نمائندہ سپورٹس) یونس خان کا ایک روزہ کرکٹ سے ریٹائرمنٹ کے بعد وطن واپس پہنچنے پر شاندار استقبال کیا گیا۔ پرستاروں نے انہیں کندھوں پر اٹھالیا۔ پاکستانی بلے باز نے جناح انٹرنیشنل ائر پورٹ کراچی پہنچنے پر میڈیا سے گفتگو کرتے ہوئے کہا کہ انہوں نے ریٹائرمنٹ کا فیصلہ خود کیا ہے اب صرف ٹیسٹ کرکٹ میں حصہ لوںگا۔ پاکستان میں کرکٹ کی بہتری کیلئے جو کچھ ہوسکا کرونگا‘ انہوں نے پاکستان کی جانب سے 15 سال ون ڈے کرکٹ کھیلی انہیں خوشی ہے کہ ریٹائرمنٹ کا فیصلہ انہوں نے خود لیا ہے۔ یونس خان کا استقبال روایتی پشتو رقص کرکے کیا گیا قومی پرچم اوڑھے یونس خان اس موقع پر بے حد خوش دکھائی دیئے۔
یونس خان