ابو ظہبی(سپورٹس ڈیسک) قومی ون ڈے کرکٹ ٹیم کے کپتان اظہر علی نے کہا ہے کہ ون ڈے سیریز میں 0-1 کی سبقت ملنے پر گرین شرٹس ریلکس نہیں ہوئی تھی۔ہم سیریز جیتنے کی صلاحیت رکھتے ہیں اور مجھے یقین ہے کہ لڑکے فائٹ بیک کرنے کی بھرپور کوشش کریں گے کیونکہ ہم سیریز جیتنے کے خواہش مند ہیں ۔سیریز میں برتری حاصل کرنے کی کوشش کرینگے۔ انگلش اوپنر الیکس ہیلز نے کہا ہے کہ انگلینڈ نے پوری توجہ چار میچوں کی ون ڈ ے سیریز جیتنے پر مرکوز کر رکھی ہے۔ میرا ذہن اس وقت پاکستان کے خلاف صرف اورصرف اگلے دو میچ اور یہ سیریز جیتنے کی کوشش کرنے پر مرکوز ہے۔ نیٹس میں مجھے سپن کھیلنے کا بہت ٹائم ملا اور مجھے خوشی ہے کہ اس کے نتائج سامنے آ گئے۔سنچری سکور کرنے کے بعد ہیلز اگلے مہینے جنوبی افریقہ دورے پر ٹیسٹ میچ کھیلنے کیلئے پر امید ہیں۔ ’میں فی الحال اس حوالے سے بہت زیادہ نہیں سوچ رہا۔ وہ دورہ ایک مختلف ملک کے خلاف مختلف سیریز ہے۔