ضلعی انتظامیہ یکم ربیع الاول سے پہلے جلوس روٹس کلیئر کرنے کیلئے کام مکمل کرے زاہد بلال قریشی‘ ڈاکٹر عمران مصطفیٰ قادری

ملتان (نامہ نگار خصوصی) متحدہ میلاد کونسل کے رہنماؤں زاہد بلال قریشی‘ ڈاکٹر عمران مصطفی قادری‘ رکن الدین حامدی نے کہا ہے کہ متحدہ میلاد کونسل کے زیراہتمام یکم ربیع الاول سے 12 ربیع الاول تک میلاد ریلیاں نکالی جاتی ہیں۔ حکومت و ضلعی انتظامیہ میلاد ریلیوں کے انعقاد پر میلاد جلوس روٹس پر نہ صرف ٹوٹ پھوٹ کا شکار سڑکات و گلیاں کے پیچ ورک کے سلسلے میں یکم ربیع الاول سے پہلے کام کو مکمل کرے۔ ان خیالات کا اظہار انہوں نے ملتان پریس کلب میں پرہجوم پریس کانفرنس میں خطاب کرتے ہوئے کیا۔ جس میں مختلف سنی تنظیموں کے نمائندگان راؤ محمد عارف رضوی‘ ڈاکٹر اشرف قریشی‘ حاجی اقبال عادل‘ علامہ عزیز الرحمن قادری و دیگر بھی موجود تھے۔