انجمن ترقی اُردو پاکستان کے تحت سیمینار ’’فکرِ اقبال اور عہدِ حاضرہوگا

کراچی (اسٹاف رپورٹر) انجمن ترقی اردو پاکستان اور شعبۂ اردو، جامعہ کراچی کے زیرِ اہتمام اقبالیات پر انجمن کی شائع کردہ دو کتابوں کا اجرا اور سیمینار بعنوان ’’فکرِ اقبال اور عہد حاضر‘‘ پیر 19نومبر صبح 11بجے دفترِ انجمن ’’اردو باغ‘‘ ایس ٹی 10، بلاک 1، گلستانِ جوہر، بالمقابل جامعہ کراچی ہوگا۔ اس موقع پر کنیڈا سے آئے ہوئے اسکالر ڈاکٹر سید تقی عابدی خصوصی مقالہ پیش کریں گے۔ تقریب کے صدر ڈاکٹر سید نعمان الحق اور مہمانِ خصوصی ڈاکٹر پیر زادہ قاسم رضا صدیقی ہوں گے۔ ڈاکٹر رؤف پاریکھ، ڈاکٹر فاطمہ حسن، ڈاکٹر تنظیم الفردوس، اور پروفیسر سحر انصاری انجمن کی شائع کردہ دو کتابوں ’’اقبال اور پاکستان‘‘ ، ’’مطالعۂ اقبال کی جہتیں‘‘ پر اظہارِ خیال کریں گے۔ نظامت کے فرائض ڈاکٹررخسانہ صبا انجام دیں گی۔