ڈاکوتین گھروںسے گن پوائنٹ پربارہ لاکھ روپے ، طلائی زیورات لوٹ کر فرار

راولپنڈی ،اسلام آباد(اپنے سٹاف رپورٹر سے) ڈکیتی ، چوری کی وارداتوں میں شہری لٹ گئے تھانہ آراے بازار کے علاقے میں تین ڈاکو ایک گھر میں داخل ہوکر گن پوائنٹ پر اہلخانہ سے دس لاکھ روپے کی نقدی ، طلائی زیورات چھین کر فرار ہوگئے تھانہ وارث خان کو کاشف نے بتایا کہ مدعی کی خالہ سے گھر میں مسلح ڈاکو داخل ہوئے اور دو لاکھ روپے کی رقم اور طلائی زیورات چھیننے کے بعد دوسری منزل میں داخل ہوگئے اور کرائے دار خاتون سے بھی طلائی زیورات چھین کر فرار ہوگئے تھانہ نیوٹاون کومقصود شاہ نے بتایا کہ چار نقاب پوش ڈاکومجھ سے گن پوائنٹ پر سواتین لاکھ روپے ، موبائل فون لوٹ کر لے گئے تھانہ ویسٹریج کو صائمہ نے بتایا کہ میری کار چوری ہوگئی ہے تھانہ آر اے بازار کو قیصر نے بتایا کہ میری دکان سے 25 ہزار روپے کی نقدی اور80موبائل فون چوری ہوگئے تھانہ نیو ٹائون کو عابد نے بتایا کہ میری کار چوری ہوگئی تھانہ کورال کو محمد رمضان نے بتایا کہ ہرن میرا میں تین موٹر سائیکل سوار ڈاکو میری بلاک فیکٹری میں داخل ہوئے اور آٹھ ہزار روپے کی نقدی چھین لی میری مذاحمت پر ڈاکوئوں نے فائرنگ کرکے مدعی کو زخمی کردیا اور فرار ہوگئے تھانہ آئی نائن کو محمد فریاد نے بتایا کہ سیکٹر آئی ایٹ تھری میں موٹر سائیکل سوار مجھ سے موبائل فون مالیتی40 ہزار روپے چھین کر لے گیا تھانہ ترنول کو جمیع اللہ نے بتایا کہ سیکٹرG 15 / 4 میں میری کرولا کار اور اس میں رکھی سوا پانچ لاکھ روپے کی نقدی چوری ہوگئے تھانہ رمنا کو ظاہر شاہ نے بتایا کہ آئی اینڈ ٹی سینٹر میں مدعی کی دکان سے 15 لاکھ روپے مالیتی 95 عدد پانی کی موٹریں چوری ہوگئیں تھانہ نون کو نبیل صادق نے بتایا کہ چشتیہ آباد میں دو موٹرسائیکل سوار ڈاکو مجھ سے اور حبیب اللہ سے نقدی ، پرس ایل سی ڈی چھین کر لے گئے مذاحمت پر ڈاکوئوں نے پستول سے فائرنگ کرکے میرا کندھا زخمی کردیا اور فرار ہوگئے تھانہ شہزاد ٹائون کو ضمیر اختر نے بتایا کہ میرا موٹر سائیکل چوری ہوگیاتھانہ رمنا کو محمد ہارون نے بتایا کہ سیکٹر جی الیون ٹو میں میرے گھر سے50 ہزار روپے کی نقدی ،9 تولہ وزنی طلائی زیورات چوری ہوگئے تھانہ ترنول کو آفتاب احمد نے بتایا کہ سیکٹرD 17 / 2 میں میرے گھر سے تولہ وزنی طلائی زیورات اور ٹیبلٹ چوری ہوگئے تھانہ کوہسار کو احسان اللہ نے بتایا کہ بلیو ایریا میں پنجاب کالج کی پارکنگ سے میرا موٹر سائیکل چوری ہوگیا۔