چیرمین نیب کاسیف سٹی پروجیکٹ اسلام آباد کے تحت 600 سی سی ٹی وی کیمرے خراب اور غیر فعال ہونے کا سخت نوٹس، جانچ پڑتال کا حکم

قومی احتساب بیورو کے چئیرمین جسٹس(ر) جاوید قبال نے سیف سٹی پروجیکٹ اسلام آباد کے تحت 1800 سی سی ٹی وی کیمروںمیں سے 600 سی سی ٹی وی کیمرے خراب اور غیر فعال ہونے کا سخت نوٹس لیتے ہوئے شکایت کی جانچ پڑتال کا ڈی جی نیب راولپنڈی کو حکم دیا ہے۔ چئیرمین نیب نے اسلام آباد سیف سٹی پروجیکٹ میں خرچ ہونے والے مکمل اخراجات کی تفصیل ، منصوبہ کب شروع کیا گیا اور کیوں600 سی سی ٹی وی کیمرے خراب اور غیر فعال ہیں اور کیوں یہ منصوبہ اپنے مطلوبہ اہداف حاصل کرنے میں کامیاب نہ ہو سکا ۔ منصوبہ کی ناکامی کے ذمہ داران کا تعین کیا جائے تاکہ وفاقی دارالحکومت کے شہریوں کی زندگی کو محفوظ بنانے میں اسلام آباد سیف سٹی پروجیکٹ اپنا مکمل کردار ادا کرسکے تاکہ مجرمان کی بروقت نشاندہی کو یقینی بنانے میں مدد مل سکے۔