لاہور (سپیشل رپورٹر )عالمی مجلس تحفظ ختم نبوت یونٹ شاہدرہ کے زیراہتمام تین روزہ ختم نبوت کورس جامع مسجدنمرہ میں ہوا کورس میں مولانا غلام رسول ، مولانا عبدالنعیم، مولانا خالد محمود، مولانا سعید وقار، مولانا سید جنید بخاری، مولانا محمدرفاقت و دیگر علماء اور عوام نے شرکت کی۔ ختم نبوت کورس میں عقید ہ ختم نبوت کی اہمیت و فضیلت، حیات سید نا عیسی ٰ علیہ السلام، کذبات مرزا ودیگر مختلف موضوعات پر علماء نے لیکچرز دیے ۔ علماء نے لیکچرز دیتے ہوئے کہا کہ عقیدہ ختم نبوت کے تحفظ کے لیے ہرقسم کی قربانی دینے کیلئے ہمہ وقت تیار ہیں اور ناموس رسالت کے لیے قربانی دینے کا سلسلہ قیامت تک جاری رہے گا۔