فیس بک میسنجر میں پیغام غائب  ہونے والا فیچر متعارف 

نیو یارک (نوائے وقت رپورٹ) فیس بک نے رواں ماہ  میسجنگ ایپلیکیشن واٹس ایپ میں ایک فیچر متعارف کرایا تھا، جو نئے پیغامات کو 7 دن بعد خود بخود غائب کردے گا۔ جسے ڈس اپیئرنگ میسجز کا نام دیا گیا تھا۔ اب فیس بک نے اس سے ملتا جلتا فیچر میسنجر کے لیے بھی متعارف کرا دیا ہے۔ وینش موڈ نامی یہ فیچر واٹس ایپ سے مختلف ہے کیونکہ اس میں پیغامات ایک بار دیکھے جانے اور چیٹ ونڈو بند کیے جانے پر غائب ہوں گے۔