لاہور(سپورٹس رپورٹر)ویسٹ انڈیز کی ٹیم نے پاکستان ویمن ٹیم کو ہوم گراؤنڈ پر کلین سویپ کردیا۔ تیسرے ایک روزہ میچ میں بھی مہمان ٹیم نے 6 وکٹوں سے فتح حاصل کرلی۔تیسرے ون ڈے میں ویسٹ انڈیز نے ٹاس جیت کر فیلڈنگ کا فیصلہ کیا۔ پاکستان ویمن ٹیم نے پہلے بیٹنگ کرتے ہوئے7وکٹوں پر 225 رنز بنائے، مبینہ علی 58 ‘عالیہ ریاض44 ‘عائشہ ظفر تیرہ ‘کپتان جویریہ خان تیرہ ‘عمائمہ سہیل ستائیس ‘ارم جاوید چھبیس فاطمہ ثناء نو اور ڈیانا بیگ نو رنز بناسکیں ۔فاضل رنز کی تعداد چھبیس رہی ۔ شکیرا سلیمان اور عالیہ علینے نے دو دو کھلاڑیوں کو آئوٹ کیا۔ ہدف کے تعاقب میں ویسٹ انڈیز نے بیٹنگ شروع کی تو اوپنرز نے شاندار کھیل پیش کیا۔ویسٹ انڈیز نے 225 رنز کا ہدف 4 وکٹوں کے نقصان پر حاصل کیا اور 6 وکٹوں سے فتح اپنے نام کی۔ ویسٹ انڈیز کی کپتان سٹیفنی ٹیلر 102رنز اور چیڈین نیشن51رنز پر ناقابل شکست رہیں ۔ ڈینڈرا ڈوتن چار‘رشدہ ولیمز چھ‘شمینی کیمبل ایک ‘ہیلے میتھیوز انچاس رنز بناسکیں۔سٹیفنی ٹیلر کو میچ کی بہترین کھلاڑی قرار دیا گیا ۔ نیشنل سٹیڈیم میں پہلے 2میچز میں بھی پاکستان کو مہمان ٹیم کے ہاتھوں شکست کا سامنا کرنا پڑا ہے۔