پبلک سروس کمیشن کے جنرل ریکروٹمنٹ فیز تھری کے ٹیسٹ و امتحانات شروع

اسلام آباد( محمد صلاح الدین خان )پبلک سروس کمیشن کے جنرل ریکروٹمنٹ فیز تھری کے ٹیسٹ و امتحانات شروع ہوگئے ، امتحانات میں کامیابی کے بعد او ایم جی گروپ گریڈ17اور 18میں تعیناتیاں کی جائیں گی ۔ایف پی ایس کے نوٹیفیکیشن کے مطابق ٹیسٹ و امتحانات 14سے 19نومبر 2021تک جاری رہیں گے ، امتحانی سینٹرز اسلام آباد، کراچی ، لاہور، پشاور، کوئٹہ، ڈی آئی کے،ملتان سکھر میں قائم کیے گئے ہیں پہلے سکریننگ(ایم سی ایس) ٹیسٹ فار جنرل ریکروٹمنٹ ہوگا،پھر  رٹن ڈس کریپ ٹیو ٹیسٹ فارجنرل ریکروٹمنٹ ہوگا آخر میں کامیاب امیدواروں کو آفس مینجمنٹ گروپ (اوایم جی)میں اپائنٹ اینڈ ٹرانسفر کیا جائے گا۔