مشتاق احمد کلمہ پڑھ رہے تھے تو باب وولمر نے ان کے پیچھے کلمہ دہرایا: انضمام الحق

ملتان (سپورٹس ڈیسک) قومی ٹیم کے سابق کپتان انضمام الحق نے پاکستان کرکٹ ٹیم کے سابق کوچ باب وولمر کے مسلمان ہونے سے متعلق وائرل ہونیوالی اپنی ویڈیو پر وضاحت پیش کرتے ہوئے کہا ہے کہ مشتاق احمد کلمہ پڑھ رہے تھے تو باب وولمر نے ان کے پیچھے کلمہ پڑھا۔  انضمام الحق کا کہنا تھا پچھلے دنوں ایک یونیورسٹی کی تقریب میں شرکت کیلئے گیا ہوا تھا جہاں مجھ سے پوچھا گیا کہ آپ کے ساتھ باب وولمر تھے تو آپ نے انہیں مسلمان نہیں کیا ،انضمام الحق کا کہنا تھا اس سوال پر میں نے انہیں ایک واقعہ سنایا تھا کہ ہم ویسٹ انڈیز میں تھے اور ہم نے وہاں جو آخری میچ کھیلا تھا اسی کی پریکٹس میں مصروف تھے ۔سابق کپتان نے بتایا کہ وہاں بات چیت کے دوران باب وولمر نے پوچھا کہ مسلمان ہونیکا کیا طریقہ ہے ۔ باب وولمر نے پوچھا کہ کون سا کلمہ پڑھنا پڑتا ہی جس پر مشتاق احمد نے بتایا کہ لا الہ اللہ محمد رسول اللہ پڑھتے ہیں، تو جس وقت مشتاق احمد کلمہ پڑھ رہے تھے تو باب وولمر نے کہا کہ آہستہ پڑھو، میں نے بھی پیچھے پڑھنا ہے۔