بزرگان دین نے زندگیاں مخلوق کی خدمت میں گزاریں:ادریس شاہ زنجانی 

لاہور( خصوصی نامہ نگار) حضرت میراں حسین زنجانی کے سجادہ نشیں پیر سید ادریس شاہ زنجانی نے کہا کہ اللہ کے قرآن اور رسول اللہؐکے فرمان پر عمل پیرا ہو جائیں تو کبھی گمراہ نہیں ہوں گے۔اللہ کے ولیوںنے اپنی زندگیاں مخلوق اللہ کی بھلائی اور اللہ کی بندگی کرتے ہوئے گزاریں۔یہ وہی لوگ ہیں جن پر اللہ تعالیٰ نے اپنا انعام فرمایا ہے۔اور قرآن پاک کی سورۃ فاتحہ میں بھی اللہ تعالیٰ نے ہمیں یہی دعا کرنے کا حکم فرمایا ہے کہ اے اللہ ہمیں ان لوگوں کے راستے پر چلا جن پر تونے اپنا انعام فرمایا ہے ناکہ گمراہ لوگوں کا۔ان خیالات کا اظہار انہوں نے گزشتہ روز حضرت یعقوب شاہ زنجانی کے مزارپر حاضری کے موقع پر گفتگو کرتے ہوئے کیا۔ اس موقع پر ثروت ثاقب،شیخ آصف،عابدنذیر و دیگر بھی موجود تھے۔