30نومبر کو پیپلز پارٹی کا یوم تاسیس جوش وخروش سے منائیں گے:نیئربخاری

اسلام آباد (نمائندہ خصوصی)پاکستان پیپلز پارٹی کے یوم تاسیس کی تقریبات کا 30نومبر کو ملک بھر بشمول آزاد کشمیر گلگت بلتستان کے تمام صوبائی ڈویڑنل ضلعی ہیڈکوارٹرز میں انعقاد کیا جائے گا ۔ سیکرٹری جنرل پیپلز پارٹی سید نیر حسین بخاری کے جاری کردہ بیان کے مطابق یہ فیصلہ چیرمین بلاول بھٹو زرداری کی اجازت سے کیا گیا ہے اس سلسلے میں پاکستان پیپلز پارٹی کے وائس چیئرمین سید یوسف رضا گیلانی کی صدارت میں منعقدہ اجلاس میں تمام صوبائی صدور بشمول گلگت بلتستان آزاد کشمیر نے شرکت کرکے فیصلہ کی توثیق کی ہے سیکرٹری جنرل پیپلز پارٹی سید نیر حسین بخاری نے اپنے بیان میں کہا ہے کہ عوامی جمہوری سیاسی جماعت پاکستان پیپلز پارٹی کا یوم تاسیس 30نومبر کو ملک بھر میں جوش و خروش سے منایا جائے گا پیپلز پارٹی کی صوبائی ڈویڑنل ضلحی ہیڈکوارٹرز میں  تنظیموں کے زیر اہتمام تقریبات منعقد ہونگی نیر بخاری نے کہا ہے کہ تمام صوبوں سے پیپلز پارٹی مرکزی مجلس عاملہ کے نامزد ممبران  مجلس عاملہ یوم تاسیس تقریبات سے خطاب کریں گے اور پیپلز پارٹی کے ممبران مجلس عاملہ پارٹی تنظیموں کے زیراہتمام منعقدہ  تقریبات بارے  صوبائی تنظیموں کو رپورٹ پیش کرینگے۔
یوم تاسیس