راولپنڈی (اپنے سٹاف رپورٹر سے)تھانہ نیو ٹاؤن کے علا قے مری روڈ پرکار کے ہولناک حادثے میں دو نوجوان جاں بحق اور تین شدید زخمی ہوگئے کار میں سوار چار نوجوان افغان باشندے اور ایک کشمیری بتائے گئے ہیں تفصیلات کے مطابق پیر کو دن سوا گیارہ بجے کے قریب کار نمبرYV - 890 جو مری روڈ پر فیض آباد کی جانب جا رہی تھی سکستھ روڈ فلائی اوور عبور کرنے کے ساتھ ہی کار کی تیز رفتاری پر قابو نہ پایا جا سکا اور کارنواز شریف پارک کے قریب سڑک کے میڈیئن سے ٹکراگئی اس حادثے میں دو نوجوان جاں بحق اور تین شدید زخمی ہوگئے ایک نوجوان 28 سالہ نوجوان کاشف موقع پر جاں بحق ہوگیا تھا جبکہ چار نوجوانوں 22 سالہ احمد سیرت،29 سالہ بسلطان خان،33 سالہ ذوالقرنین اور25 سالہ مسعود کو ریسکیو1122 نے بینظیر بھٹو ہسپتال منتقل کردیا جہاں  زخمی 33 سالہ ذوالقرنین جاں بحق ہوگیاجس سے جاں بحق افراد کی تعداد دوہوگئی ہے پولیس نے بتایا کہ متوفی کاشف افغانی اور متوفی ذوالقرنین کشمیری ہے اور یہ افراد بحریہ ٹاؤن اور سیٹلائٹ ٹاؤن کے رہائشی ہیں حادثے کا شکار ہونے والی کار تھانے منتقل کردی گئی۔
 حادثہ