اسرائیل سے غزہ کے الشفا ہسپتال کو بچانا ہوگا: امریکی صدر

واشنگٹن (این این آئی)امریکی صدر جو بائیڈن نے کہا ہے کہ اسرائیل کو غزہ کے الشفا ہسپتال کو بچانا ہوگا، اس معاملے پر اسرائیلیوں سے رابطے میں ہوں۔غیرملکی خبررساں ادارے کے مطابق منگل کو اپنے بیان میں امریکی صدر نے کہا کہ امید اور توقع ہے کہ ہسپتال کے حوالے سے کم دخل اندازی کی جائے گی۔صدر جو بائیڈن کا مزید کہنا تھا کہ قطر کی مدد سے قیدیوں کی رہائی کے معاہدے پر بات چیت جاری ہے۔